الخميس، 23 نوفمبر 2017
الجمعة، 23 سبتمبر 2016
مصر
هرجع تاني اكتب وهرجع زي الاول واحسن
انا شايف هواتي في الكتابه او موهبتي في الكتابه من ابتدائي بس محدش بيشجعني اني اكتب و استمر الله يسامحهم بقي
المهم عاملين ايه ...
اولا البقاء لله في الشباب اللي ماتو في رشيد الله يرحمكو كنتو عايزين تروحو تشوفو نفسكو بدل البلد دي اللي بقت مقتصره علي القضاه والجيش بس
ثانيا : الضرائب الكتير
علي الحاجات الاساسيه و اللي عماله تغلي دي في صالح مين ؟
وليه كل اللي بيحصل ده بيحصل دلوقتي ما ايام مبارك مكانش في حاجه بتحصل بكل ده ؟؟!!!
فكرو وانا هفكر معاكو ونشوف حل في ده
الأحد، 24 يوليو 2016
نصايح للي داخلين الجامعه السنه اللي جايه
* بالنسبة للبنات*
1 - لما بتخلصوا ثانوى بتنرلوا تشتروا لبس كتير اوي عشان الجامعه , وحيات والدك يا شيخة انسب حاجة للجامعه تيشرتس و جينز وكوتشى اقسم بالله الجامعه مش محتاجه اكتر من كدا .
2- متحوليش والنبى من سنه اولى تحطى full makeup , عشان هتيجى ظروف وهتيشيله فى مرة من المرات و وقتها عبد الحميد على بيظهر ، خليكى طبيعيه كدا عشان مش دا اللى هيخليكى حلوه .
3 - هتتصحبى على بنت او بنتين فى الاول وهتحبوا بعض اوي وفى الاخر هتكتشفى ان مش دي المناسبه ليكى وهتتخنقوا وتبدأو كل واحد تتكلم على التانيه والموضوع بيخلص بشرشحه وتلقيح على الفيس بوك وتسمحوا صوركوا من على انسجترام وتعملوا لبعض بلوك , * متقربيش من حد اوي فى الاول * خليكى عارفه كل الناس بس فى الحدود .
4 - مش كل الولاد حكاكة وعاوزه تتعرف عليكى عشان انتى حلوه جدا ومفيش زيك .. صفوا النيه .
5 - متدوش فرصه للشباب اللى فى تلاته ورابعه فى الرغى والهزار والكلام , ولما تعوزي حاجة اسألى بنت اكبر منك , عشان غالبا هما اللى بيحاولو يشقطوا .
6 - بلاش كعب وحيات اغلى حاجة عندك يا شيخة , عشان مش
هيحصلك كويس والجامعه كلها هتسف عليكى .
7- لو مش مقتنعه بالحجاب او فى نيه انك تقلعيه , فكري كويس جدا فى خطوه زي دي وحاولى متوصليش ليها ولو خلاص قررتى , اقعليه قبل ماتدخلى الجامعه , عشان لو حصل وقلعتيه وانتى فى جوه الجامعه سيرتك هتبقى على كل لسان .
*بالنسبه للولاد *
1- انسى خالص انك ترتبط بواحدة من البنات اللى فى دفعتك , لان وقتها البنات بيكونوا حسوا انهم كبروا و ان انت اخوهم الصغير , وبيبصوا على الناس الكبار , فرصتك الدفعه الجايه يابطل .
2 - بالنسبه للولاد ,لما تدخل على جروب الدفعة متبعتش ادد لاي واحدة من الناس اللى معاك لو ملكش كلام معاها عشان هتتفهم غلط .
3 - متفتكرش انك هتدخل الجامعة هتبقى الخديو اسماعيل فى *سرايا عابدين * , واحدة واحدة ونقى البنات اللى تعرفهم مش اي واحدة شكلها حلو وخلاص .
4- لو داخل اعلام او فنون جميله او فنون تطبيقية الموضوع بالنسبالك هيبقى مختلف عن الناس اللى فى هندسه وطب وتجارة وحقوق , متقعدش معاهم كتير عشان مش هيسيبوك فى حالك .
5 - حاول تشوف البنت ايه سكتها واتعامل , عشان البنات ملهمش قاموس معين وعشان متحطتش نفسك فى موقف وحش .
6 - وحيات ابوك يا شيخ متسلمش على اي واحدة الا لو هى مدت ايديها , عشان فى بنات مش بيسلموا بس مبيرضوش يحرجوك .
*بالنسبه ليكو انتو الاتنين*
1 - مبدائيا كدا اول اسبوع دا هتكره فيه نفسك حتى لو دخلت AUC .. متعرفش حد ومتسغرب الناس وغالبا بتحس نفسك انضف واحد فى كل الناس وبتستعفن تتكلم مع حد .
2- الحوارات الحوارات الحوارات , بلاش وحيات ابوكوا تتكلم مع حد على حد , انت لو مقفلتش الباب دا من الاول , هتلبس فى حاجات ملهاش اي لازمه .
3-صحابك فى سنه اولى هيبقوا 15 واحد مثلا , سنه تانيه 10 , سنه تالته 4 , وغالبا فى سنه رابعه ممكن تخرج بواحد او اتنين او ممكن لوحدك .
4- اول ترم تقريبا اللى هتبقى ملتزم وعاوز تطلع المحاضرات , اوعدك من سنه تانيه ان مكنش الترم التانى هتكبر وهتخلى حد يمضى مكانك .
5- اخر حاجة .. اللى فهمك انك لما تخلص ثانوى هترتاح , تف فى وشو ولو عرفت تجيب مشنقه و تشنقوا اعمل كدا , اقولك حاجة هتتمنى يوم من ايام ثانوى
وكل سنه وانتو طيبين ومبروك النجاح وربنا معاكو يااارب
الخميس، 21 يوليو 2016
خرجها خليك راجل
بيبي انت مش هتخرجني
عايزه تروحي فين يا روحي
اي حته يا قلبي
ايه رايك في صالون بارك ولا سيتي السرير
كده انا مخاصماك
لا انا مقدرش علي زعلك يا عسولتي
روحي غيري لبسك والبسي احسن حاجه عندك
وانا هغمضلي شويه عقبال لما تخلصي لبس وصحيني
لغايه دلوقتي انا لسه صاحي و هي لسه بتختار هلبس ايه هلبس ايه وفي الاخر تقولي انا مش عندي لبس
نصيحه :
لما تتفق انت و مراتك انك هتخرجها يبقي قولها قبليها باسبوع
مساء الفل عليكو ان شاء الله
مسا مسا
الأربعاء، 15 يونيو 2016
السبت، 12 مارس 2016
بتتامروا علي يا غفر
ازيكو عاملين ايه
المقاله دي هتزعل بنات كتير ومنهم صحابي بس دي القاعده العامه للبنات اللي عايشه في مصر فمعلش استحملوني واستحملو كلامي النقد ده وانا اسف .
بصراحه كده انتو بتتامرو علي ايه لما حد بيتقدملكو سواء كان بقي جواز صالونات او حب وبالعكس كمان الحب المفروض يعني انتي عارفه ظروف امه ومتكحرت اد ايه بتتامري في الشقه وبتتامري علي الدهب بتتامري علي كل حاجه هو بيعملها وهو عايزك هو انتي ليه لازم تطلعي عين ام الواد ليه ظه المفروض انتو بتحبو بعض يعني ليه مترضيش بالقليل بالعكس هيحترمك اوي ويحطك في عينه ولما الزهر هيعلب والله ما هيستخسر حاجه فيكي طالما انتي وقفتي جنبيه و رضيتي باقل حاجه والله بره في اوربا والله بيعشوا في اوضه عارفين يعني ايه اوضه وبيجبو عفش مستعمل المهم هما مع بعض لا هنا لازم ستاير جديده و بطانيه من اطاليا والدهب لازم يوزن ايه وكع انت بقي ياعم ولازم تكون الشقه واسعه وتكون في مكان كويس علي اساس انها عايشه في ايه احسن مكان ( ما ) الملف بقي اي حته المهم في حته شعبيه وتكون جايب شقه في مكان انضف مليون مره من مكانك ده وتقولك لا دي مش عجباني قطر لما يهرسك ايه مش المهم في شقه تلمك انت واللطخ اللي هيتجوزك ولا ايه ؟؟ وبعدين تقولك لا اصل الدنيا ضلمه بليل انتي شفتيها بليل ولا امارة وخلاص خليكي بقي عند امك لغايه لما تعنسي ان شاء الله يارب ياختي مش كفايه انه اساسا فكر في ان يتجوز سيادتك لا لازم امارة بنت كلب فقريه علشان اعرف قيمتها قدامها ونيجي بقي لامها تقولك دي البكريه يعني فرح في فندق ٥ نجوم و شبكه ب ٢٠٠٠٠ ج ده ان شاء الله عند امك عارفها وبعدين ابوها اللي ممكن يتكلم او لا وممكن يخلي حد يتكلم بداله في الحاله دي انا ينزل من نظري فشخ خلاص بقي وبعدين تقول اضمن حق بنتي ده ايه ؟عايز اعرف انت بتبيع بنتك ولا ايه ؟؟؟ دي والله بتتجوز في بيع في سوق عكاظ ده
انا كل اللي عايز اقوله ارضي يا بنت الناس باللي معاه اخلاق مش اللي معاه فلوس ارضي باللي هيسترك اللي مش هيجوعك اللي هعشيكي ارضي باللي تحبيه ارضي باخلاقه ارضي بصدقو رفقا بالرجال الصادقه في حبهم
رفقا بالرجال الخلوقه في طلبهم لبنت سيادتكم حتي ولو جواز صالونات
ده كفايه جه طلبها من بيتها
كفايه انه خبط علي الباب
سهلو الجواز علشان الحرام ميكونش سهل وبتقولو ان الدعاره بقت علني دي خروجه بقت اسهل من الجواز فرحانين انتو بمنظر البنات علي الكورنيش وجو المحن والحب الزايف ده وبتقولو جيل صايع ما انتو يا دغف انت وبنتك اللي بتتامرو فلازم يعملو كده من وراك يا لطخ سهلو الجواز علشان الدنيا تمشي
انتو كده بتبيعو بنتكو اتقو الله في بنتكو ويا بنت الناس بلاش تتامرو والله لو في ايدينا اننا نجيب كل اللي انتي عايزاه هنجيبه بس ارضي بقليلك ربنا هيفتحها في وشكو
واكرر اسفي علي الكلام الدبش ده بس ده اللي بيحصل
وشكرا
بن ايمن
الاشتراك في:
الرسائل (Atom)