يوميات ايجنت في كول سنتر
الي امي
ابويا
اخويا
طه القناوي
ابرام
وكل واحد معايا في الباتش 21 في اكسيد
وكل الناس اللي معايا في الشغل
ازيكم عاملين ايه معاكم شادي ايمن من احسن واهدي مكان في العالم كله وهو الكول سنتر بقالي سنه وشهرين علي الحال ده من يوم 5|2|2013 لغايه دلوقتي حصل معايا مواقف في الشغل و غباء العملاء وقسم الكوالتي الجميل (ربنا يخليهونا ) يارب اللي بسقطنا علي طول وال kpis الجميله اللي احنا ممكن مناخدهاش اساسا والتيم ليدر والسوبر فيزر و السنيور والامن (بالذات ندي ) والبنت اللي تحت في الاستقبال وردنا للعملاءوتبويظ الAHT اللي هو (متوسط كلامك في اليوم ) اللي هو بقي 3.50 دقيقه في الشهر غير الاديرهرس adherence والready وايه وكل ده انت بتاخد علي قفاك ومبسوط :D اها نسيت اقولكم علي WFM (work force management ) اللي بحط الجدول( (scheduleلينا والبريكات (break) وكده .
دي كانت مقدمه لابد منها علشان تفهمو يعني ايه كول سنتر في اي حته في العالم ده الكول سنتر طبعا غير الافايا اللي بتقع والسيستم لما يقع هتعرفو كل حاجه تباعا ان شاء الله
الايجنت
شادي بن ايمن بن البرنس
الفصل الاول
الانترفيو
مش عارف ابتدي منين ؟
بس انا هقولكو انا اشتغلت ازاي في الكول سنتر اولا شهر 6-2012 روحت اكسيد (احسن شركه كول سنتر في مصر ) المهم روحت وكنت لابس ومتانتك انت رايح تشتغل ب 800 ج يعني بعد اللي انا كنت شغال فيها كانت ايه مرتبها (150ج) فروحت علي اساس اني اشتغل هناك المهم دخلت مع الناس وكان في ناس كتييييييييير جدااااااااا عايزين يشتغلو وبعدين قدم نفسي بالانجليزي ( اللي اساسا المفروض نهتم بيه من الثانويه العامه ومش مهم خالص العربي ولا بتاع المهم الانجليزي علشان تعرف تشتغل شغلانه عدله في البلد دي ) (مش موضوعنا ) طبعا ولا عارف اقدم نفسي ولا حاجه اترفضت كالعاده ده اول حاجه وده برضه مصير اي حد بيقدم لحاجه اول مرة ..
روحت تاني مرة لاكسيد اخر شمر نوفمبر 2012 كان في اوبن داي open day يعني الشركه عايزه ناس كتير علشان تشتغل فيها وكان الفضل يرجع لربنا ولصحبي (اسلام مسعد ) اني اروح وفعلا عملت الانترفيو واتقبلت وعملت الترينج training والسرتفه certivcation وبدات اللوجن وما ادراك ما اللوجن .
ملحوظه
اللي حصل ده حصل مع كل واحد ايجنت في موبينيل او اكسيد او وصله او IMI او IPS او ECUO وكل الاوت سورس .
الفصل الثاني
الترنيج
Training
نيجي بقي للترنيج
اول يوم ده عباره عن تعارف كده induction تمضي العقد اللي هو بمثابه مسك بالايد اللي بتوجعك وبعدين واحد يبقي زيك بالضبط ايجنت في اي اكونت ويفهمك الدينا ماشيه ازاي انا عدي عليا 2 ترينر Tamer و Mohamed sa3aeed وبعدين تتعرف اكتر علي الناس اللي معاك في الباتش واحسن مرحله في الشغلانه دي فعلا و انت فيها تقول امتي الوج وامتي اشوف الشغل ده بقي والمشكله انك مش عارف اللي فيها اه والله اه والله اه والله :D
هتعد علي بي سي PC ويبقي الtrainer اعد قدامك ويفهمك علي الapps اللي احنا هنشتغل عليها ويظبطك كده علشان الrole play وتلوج بقي login اهدي مكان في العالم اها والله
ملحوظه :
ممكن تتلقب في 15 يوم او 6 ايام عادي علي حسب الشركه عايزاك امتي .
وتيجي مرحله تاني اسمعا الشادوينج shadowing
ودي احلي ايام فعلا في الشغل ده كلها احلي من ايام الانول annual تباعا هتفهمو
الفصل الثالث
الشادوينج
Shadowing
نبذه مختصره عن shadowing
هو عباره عن انك تعد جنب ايجنت قديم شويه يعني شهر شهرين سنه سنتين بالكتير بالذات لما تعد مع واحد بقالو سنتين مثلا يكون مش طايقك اساسا علشان طبعا طالع عينو يا عيني مع الcs بقاله سنتين ولا بيترقي ولا حاجه . ويفضل مركز في الكولات calls مش مديلك اي اهتمام .
وفي نوع تاني يبقي همو علي اللي بيشدور معاه زيي كده الحمد لله علشان ربنا يكرمني طبعا و تقوله انت في الحاله دي هتعمل ايه وهتقول ايه للعميل وكده .
وفي نوع تالت انه ممكن يسيبلك الجهاز ويقوم ويسيبك انت تاخد كولات :D .
بس يا سيدي انت وهي وبعدين تفضل علي الموال ده لغايه اليوم المرتقب اللي بيخوفونا منه اووي وهو الrole play او ال certafa ويجي حد من الشركه اللي ساعتك هتشتغل فيها و يشوفك انت تنفع ولا لأ و يعملك كانك في كوله صحيح بس وتعدي وتروح تشدور تاني كام يوم لغايه لما يتفتحلك اكونت علي PC وباقي الapps وتلوج بقي وما ادراك ما اللوجن .
خلي بالك احلي ايام في الشغل ده الشادونج اها والله
وننتقل للوجن
فـــــــــــــــــــــــــــــــــــــــــــــــــــــــــــــــــــاصل :
لما تكون فاضي ومش لاقي اي حاجه تعملها كل خدمه العملاء ترزل عليهم شويه.
الفصل الرابع
اللوجن
Login
بسم الله الرحمــــــــــــــــــــــــــــــــــــــــن الرحـــــــــــيـــــــم
-إسمحولي أعيطكم نبذة عن هذا المجال . مجال الكول سنتر هو مجال مناسب لأي شخص عنده مشاكل في النوم .. عصبيه زائده .. مشاكل في الإنضباط.. مشاكل في التعامل مع الناس .. و خلافه من المشاكل المستعصيه ، موظف الكول سنتر المسؤول عن الرد على الإتصالات هو أضعف المستضعفين في الأرض..
لو جا متأخر خمس دقايق تنحسب عليه في النظام..
فترة الراحه حقته محسوبه بالدقيقه..
أوقات دوامه متغيره "نظام شفتات" ..
إجازاته الأسبوعيه ما هي ثابته زي خلق الله..
و كل مكالماته و تعاملاته مع المتصلين مسجله و يتم مراجعتها .. يعني لو متصل سب الموظف و سب أهله و طول لسانه المفروض الموظف يرد عليه "شكراً أستاذي .. أي خدمات أخرى ؟"(1)
ايه هي مميزات الكول سنتر ؟...
1- تبقي بارد حتي لو كنت ايه دمك فاير وتحت خدمتك يا فندم وحركات بتوعنا دول
2- تعرف تهندل الcs ازاي حتي ممكن تهندل ابوك وامك وعايلتك .
3- تعرف تتكلم مع زمايلك في الشغل ونبقي زي عايله واحده (تحافظ علي الفلور نظيف – تخش الحمام تلاقيه نضيف كده )
4- تتكلم مع السوبر او المانجر بصيغه انت مش حضرتك يا استاذ كذا زي في الوظايف الحكوميه
5- غير انك ممكن تبات في الشغل لو البلد فيها قلق او حاجه واللي يغيظك ان الناس بتتصل برضه عااا
دي المزايا اللي انا شايفها في الكول سنتر .
لووووجن (وهتشوف بلاوي ان شاء الله )
قبل اللوجن عندك اسمها الرول بلاي او السرتفه role play ده عباره حد من الكواليتي (الله يعمر بيته ) بيجي يعد معاك ويشوفك انت وبتهندل الكول و يا ما تعديك يا اما لا هتخش يا سيدي اوضه فيها بي سي PC ومعاك الترينر trainer والكواليتي بسألك سؤال تعرف تتكلم اتكلم هتعدي مش هتعرف خلاص بخ كده يبقي ليك اعاده مرة تانيه وبعدين المرحله القبل الاخيره
ماقبل اللوجن :
كام يوم شادوينج كده علشان تعرف تلوج يعني من 3 ل5 ايام شاوينج وبعدين تخش في المعمعه انت بقي يبقي ليك user nameو password بتاع البروفايل بتاعك profile وبعدين تفتح حاجه اسمها CTI او CRM علي حسب كل شركه و بتلوج وفيما يلي نص مكالمه
· اسم الشركه اسمك مساء الخير ( صباح الخير )
· اتشرف باسم حضرتك
· اهلا وسهلا يا استاذ ....
· استفسار حضرتك علي نفس الرقم ولا رقم تاني طبعا لو فهمه بطئ شويه لازم تبقي هادي هادي
· يقولك استفساره وبعدين تهندله انت بقي بطريقتك بقي مع نفسك وياسلام لو انت لسه نيو هاير newhire جديد يعني ومش عارف اي حاجه في اي حاجه
· وفي الاخر تقول اي خدمه تاني او اي استفسار تاني
· يقولك شكرا
· تقوله شرفتيني جدا بالاتصالك شكرا باتصالك الشركه اللي انت فيها
ده كان نموذج لكوله call عاديه خالص في الكول سنتر وده اخف حاجه في الكول سنتر طبعا تخلي بالك من الكواليتي اللي بتصتاد اي حاجه غلط انت بتعملها ونقصك فيها طبعا في كل شركه فيها واحد او واحده تعدي علي كل ايجنت في الفلور وتفيلو fail يعني وتنقصك في الKPIS وليك بقي ان تتخيل منظرك قدام الTeam Leader اللي بيعتمد عليك علشان تحققله التارجت وياخد هو الكي بي KPIS وطبعا علشان السوبر يبقو كويسين لازم يزعلو التيم ليدر والتيم ليدرز بيلاقو مين يفشوا غلهم فيه احنا الايجنت الغلبانين.
وعن الكول سنتر ايضا في وجهه نظر العميل ( هو الذي يحل كل مشاكله حتي لو كانت كبيره جدا انت اللي لازم تحلهاله يعني انت من الاخر adraba cadabra الخط تعملوه اللي هو عايزه وخلاص ) .
المشكله بقي هو اساسا مش عارف اللي بنكون فيه ده ايه و عليك ضغط اد كده وفي الاخر انت بتهندله و تقوله بعتذر لحضرتك وايه انت بقي الساحر بقي اللي في الخط علشان تشغله .
سؤال كده ؟ ولابد منه
ما هي انواع الكستومررز customers ؟
1. السهتان : هو في معجمي ( الذي يكلم خدمه العملاء علشان يألش عليهم وخلاص ويقولك هه هه هه تقوله استفسارك عن ايه يقولك هه ) وده تقلبه قلبه زي العسل وياريت تخلي بالك من الكواليتي ( الله يعمر بيته )
2. الحبيب : هو في معجمي ( الذي بيحب يتكلم مع بنات وبس ويقولهم انتي مرتبطه وانتي بتحبي والحاجات دي ) في هذه اللحظه يجب ان يلتزم باسلوب الحوار او سياق المكالمه .
3. الحبيبه : هي في معجمي (هي التي تتمحن جايه من المحن للايجنت الولد وتكون عايزه اي حاجه منه ) مره حصلت معايا ان في بنت كانت عايزه مني الرقم بتاعي علشان تكلمني .
4. الغبي : ( هو اللي بتحس معاه انك اساسا غبي :D اها والله ويبقي معاه موبايل غالي جدااااا يعني مثلا اي فون 5C او سامسونج grand مثلا وتعمل معاه troubleshooting تفضل بقي عيش وهندل )
5. الtroublemaker : ده بقي في معجمي ايضا ( اللي بيلف علي الناس اللي في الفلور كله و يخلي البنات تعيط و يخليك تفقد اعصابك معاه و تحوله escalated ويتحول فعلا وفي الاخر يتعمل فيه ميل mail ويبقي troublemaker ( مايكل, عز الدين , شادي , وغيره من المشاكسين ))
6. المتعلم : في معجمي ( اللي شايف نفسه ومعاه IPhoneاو Note 3 او اي حاجه يتكلم شويه انجليزي وشويه عربي وفي الاخر ساعات بيطلع مش فاهم حاجه :] )
في كذا نوع من حيث دماغ كل ايجنت بس دول اللي عدو عليا اكيد في انواع كتير منهم علي حسب مزاج كل ايجنت .
دول كانو انواع الcs .
ما يدور في الفلور (وانت لوجن )
· انت جاي من البيت صاحي بضرب الجزم طبعا علشان كان عندك شفت سهران فيه امبارح
· تلاقي بنت بتاعت الامن (ندي) اعده بتزاول في اللي رايح واللي جاي
· تلاقي التيم ليدرز اعدين علي الpc والسوبرز اعدين في اماكنهم ياما عندهم meeting.
· تلاقي بتوع النضافه بينضفو الفلور ويكنسو ويظبطو الدنيا كده تحس انك اعد في شركه محترمه (مش تريقه )
· ما تلاقيش pc و تاخد حاجه اسمها overlap ومافيش احلي منه تريح من اللج شويه .
· ها الحمدلله لقيت pc لسه هتعد عليه واحد يقولك لا ده محجوز والتاني يقولك ده بتاع تيم ليدر وكل ده محسوب عليك من الاديرنس وحاجه فله لو بقي مافيش overlap يبقي عسل اوي
· ها لقيت pc واعدت عليه الحمد لله في كذا احتمالات انك برضه متلوجش في ميعادك
1. انك تلاقي الpc بايظ ومش شغال
2. انك تلاقي الpc شغال بس الapps مش شغاله
3. انلك تلاقي الapps كلها شغاله ما عدا الاساسي اللي انت شغال عليه
4. انك تلاقي الuser locked وده بقي حلاوه يبقي قدامك حاجتين ياما shadowing ياما change day off
· ها يلا كل حاجه كويسه تلوج بقي وتشوف بريكاتك ايه breakممكن بقي تلاقي بريك بعد ساعه ممكن بعد 3 ساعات ونص كده ويعدك علي البي سي شغال 3ساعات ونص ويطلعك بريك نصايه وبعدين تعد 3 ساعات وتطلع تاني عادي وانا عندي في الشغل بنطبق شعار الشركه علي طول في كل حاجه .
· في اللوجن احنا بجد مش بنعرف نعمل بيبي لازم نقول للتيم ليدر او ازنق نفسك لغايه لما البريك يجي او المثانه تنفجر ايهما اقرب .
· في اللوجن مش بنعرف نصلي او مش بنلحق نروح نصلي البريك بيطير
· في اللوجن بيطلع تيييييت في شغلك وتتهان ويحي عميل اصغر منك يشتمك
· في اللوجن مافيش حاجه اسمها sick الsick لازم تقول قبل لما تتعب وليك 9 ايام سيك في السنه يعني بيقولك اوعي تتعب مع ان التعب ده بتاع ربنا
· في اللوجن ليك 6 ايام emrg
· في اللوجن ليك 21 يوم annual فيهم 6 ايام emrg
· في اللوجن ممكن تشتغل ايام العيد و الاجازات
· في اللوجن ممكن تطلع one to one التيم ليدر يشطفك شويه وبعدين تلوج تاني
· في اللوجن ممكن تطلع support للnew hire
· في اللوجن ممكن انك تلوج في مكان الnew hire ويبقي احلي يوم انك تساعد الناس الجديده
· في اللوجن ممكن حد جديد يجي يشدور معاك وانا عن نفسي بحب اليوم ده اوي بيفكرني انا وانا لسه جديد في الشغل ده
الفصل الخامس
Experience
عايز اجيبلكم خبرات صحابي والناس اللي في الكول سنتر كلهم ويارب تعجبكم .
ريم :
حصلت مع واحده بنت انها لسه جديده واحد اسمه مايكل ده واد عيل مواليد 94 عامل خط مش كارت وحاطط password عليه و بيقفل الخط وبيفتحه تاني الايجنت دي بقي الcs ده خلالها تعيط :]
الاخ ده جالي بالمناسبه 5 مرات في رمضان وكنت هفطر عليه :]
ايمان :
عميل متصل عايز يضيف انترنت وباقة ع الخط... ادانى رقم ... طلع شبكة تانية غيرنا... قلتله الخط ده على شبكة ايه يافندم.. قالي كذا... قلتله وانت طالب خدمة عملاء شبكة ايه يافندم... قالي كذا.. قلتله امال حضرتك متصل بينا لييييييه!!!!... قالي اصل... اصل... انا معرفش رقمهم.. فقلت لنفسي مفرقتش بقاo_O
I feel like
فعلا مفرقتش اصل احنا كلنا اسرة فى بعضيناااا... آخدلي بالك يافندم
ايها السماء صبي غضبك على الاغبياء
ايمان:
عميلة كلمتنى من يومين وقعدت معايا 58 دقيقة وعملتى اوجز اد كدااا .. و تيجي النهاردة بنتها تكلمنى وتتكلم عن نفس ام الشكوى... ومفيش اى تغيير حصل لسا... وطبعا معنديش استعداد نعيده ونزيده تانى... قاطعتها انا عارفة الشكوى من اولها لاخرها... حتى بالأمارة مامة حضرتك صاحبة الخط هى اللى كلمتنى من يومين وحصل كذا كذا كذا ..... قالتلى ده كويس جدا عشان محكيش من تانى وكانها هى البيرفورمنس بتاعها هيتضر وهتتقهر مثلا!!
I feel like
لا ده انا اللى كويس يافندم عشان اسمع صوتك انتى وامك.. يخربيت امك على ام الكول سنتر كله.... اللعنة ع الحظ
ايمان:
عميل داخل وش يقولي يعني وبعدين معاكم... ايه المشكلة يافندم... ايوا يعني وبعدين معاكم... وضحلى مشكلتك عشان اقدر اساعدك... وبعد شوية أفأفة وكتير من النفخ ومن غير ما يحكى حاجة... طييييب والله مانا قعدلكم فيها وهغير لشبكة تانية
I feel like
وإحنا فاكرنا هنزعل.... ده احنا هنعمل فرح يا آمووووور لولولولييييي
طبعا استنى اقوله اى هندلة... مقلتش.. وبكل برود تمام يافندم تحب اوضحلك اجراءات التحويل... راح قفل فى وشي السكة معرفش ليه!!
ايمان:
عميل كلمنى قالي... لو سمحت عايزة اقولك حاجة كداo_O ... بتجيلي رسايل من خدمة اسمها "أحاسيس"... اللى هى "أسامة منير"... بصراحة انا مش مرتبط... "شليهالي والنبي"... واوعدك اول ما أرتبط هكلمكم واضيفها من عندكم....
I feel like
طب ما تاخد فكرة طب يافندم
طه حبيب قلبي :
انا ... حضرتك ياافندم تقدرى تستعلمى عن باقات اﻻنترنت من خلال زيارة موقع x
العميله ... ودا اركبله ايه من رمسيس ياضنايا ... ااااه قلبي حد يجبلي الحبايه من ع الجمل بسرعه
غاده:
That moment
لما عميل يقولك النت مش شغال ليه جوا الاسانسير....!!!!
U feel like
فييييين السؤال..... انا احط ايدي بس ع سؤال اجاوب فوريررررره!!
هو سيادتك بايت جوا الاسانسير مثلا!!! انت هتقرفونا ف عشتنا ولا ايه!!
انا:
عميل النهارده بعد لما عملته حاجاته بيقولي شكرا يا مدااام
مروة:
مرة جالي عميل و كان عايز يلغي باقة النت الأسبوعية اللي هي مش موجودة أصلا ً، دي لسه هتيجي مجانا ً و لو مش عايزها ألغيها في الفترة المجاني..و إلا مصمم إني أمنعها قبل ما تجيله..في الآخر قالي بقولك ايه أنا مش قادر..أنا دلوقتي قاعد في المستشفى و حالا ً هدخل أوضة الانعاش..ههههههههه..عايز ألغي الخدمة قبل ما أخش..ههههه..على العموم أنا بين الحياة و الموت و لو ربنا إداني عمر ، هطلع أبهدلكوا و أرفع عليكم قضية،أنا مستشار..ههههههههههه
ادمن callcentercomcis علي الفيس بوك :
fi manhom el educated ely awel mateshra7lo el ma3loma yafhamha 3la tool bas el no3 dah low da5el complain hai2rafak ketir belzat law anta new comer we ma3raftesh thandalo >> we fi no3 tany el 3'aby we dah ely momken teshra7lo el ma3loma aktar mn mara we maiafhamsh 7aga fi el a5er ... bas el no3 dah bkalmtain momken t5alas m3ah el call wanta tamam awy la2ano biaktana3 3la tool mn 3'air edibate
---------------------------------------------
غاده:
واحده عايزه تثبت الميجا بيت عندها ع الخط بحيث انها ماتسقطش منها......... >>>>مش حمل ده حضرتك عشان تثبتيه !!!!
واحد بيتصل ببسألني الشبكه حلوه!!!!!! >>>>>> هو ده سؤال يافندم قالي اه.... طب " ماما حلوه ولا ايه؟؟ "
واحد رقمه فودافون وبيتصل يستفسر ع خطه اللي واقف وقال ايه بيتصل بينا عشان معهوش رصيد ع فودافوان. قالك يتصل بموبينيل >>> .....ياذكائك... ماتشغلش مخك تاني !!
الصبر من عندك يارب
انا :
Cs بيتصل بيا بيقولي هو خدمه عملاء اتصالات كام قولتله حضرتك بتتكلم مع خدمه عملاء شركه تانيه عايز معلومات عن الرقم كلم 8000 وقالي دي بفلوس دي قولتله اها قالي احسن برضه الله يلعن الخط علي اللي جابه
شكرا لاتصالك موبينيل :D
انا برضه :
واحد يقولي انتو شغالين لغايه الساعه كام
I feel like
من الساعه 2 مساءا لغايه 8 مساءا يا عم مكتوب قدامك 24 ساعه
انا برضه :
مرة كنت في قسم تاني اسمه اكتيفيجن القسم ده بتشوف البدع فيه
احنا كنا بنقول script كده : بناء علي تعليمات الجهاز القومي لتنظيم الاتصالات استأذن حضرتك اخذ بعض المعلومات اللي مش موجوده في البطاقه استأذن حضرتك اسم الجد من ناحيه الوالده اسمع بقي مهازل واحد مرة حلف عليا بالطلاق انه وانا بس نعرف اسم امه :]
ـــــــــــــــــــــــــــــــــــــــــــــــــــــــــــــــــــــــ
طه :
فيه واحد كنت بقله يبعت رصيد من شباك 100 شباك ف بقوله واحد للغه العربيه و0 للغه الانجليزيه قالى لاء انا هبعت رصيد لواحد مصرى زينا
مره انا وطه كنا ماشين في مكان الnew hire لقينا واحده بتقول لcs يا فندم هو انا اللي استلفت ؟؟
مرة انا وطه برضه علشان تعرفو ان الشغلانه دي بتجيب هبل للناس كنا شفت الصبح فاعدنا جنب بنتين مجانين واحده بتقول للتانيه قتلتيها ليه ليه ليه ليه انا وطه مسخسخين علي الارض
طه :
وف ست قالتلى انت يهمك اية عمرك ما هتحس بالغلابه اللى زينيا انا موظفه حكوميه وانت بتاخد 5 الاف جنيه وقاعد ف التكيف
رانيا :
كاستمر جالي وكان كالان .. الكاستمر : الحجينى الحجيييييينى يابله الدوده الدوده مبهدلانى انا : دوده ايه يافندم ممكن حضرتك توضحلي استفسارك بخصوص ايه الكاستمر: يابله الرصيد الرصيحم مش بلاجيه والنبي والنبي خلصينى من الدوده .. الدوده واكله الرصيد انا : في حاله من الضحك الهستيري . يافندم دوده ايه حضرتك وايه علاقتها بالرصيد يافندم .. وبعد معاناه اكتر من ربع ساعه من الضحك المتواصل .. طلعت ف الاخر لعبهsnake علي التليفونات القديمه حاولت اقنعه ان دى مالهاش علاقه بالرصيد واقتنع كالعاده بالعافيه
واحد مضايق من الكول سنتر :
hmed Faisal
call center and customer service خلاصة تجربة اصحاب كتييييير فى شغلانة
1.كتر الكلام حيجيبلك دايما احتقان فى الزور
2.حيجيلك دايما الام فى الظهر من كتر القعدة ع الكرسى
3.حيجيلك ضعف فى النظر من كتر التبحليق فى الشاشة
4. دايما التيم ليدرذ و السوبرفايزورز مرضى نفسيا
5.عمرك ما حتقدر تتكلم مع زمايلك فى الشغل عشان مش حتلاحق ع المكالمات
6.حتقابل اسامى عجيبة عمرك ما حتعرف تنطقها
7.دايما حتبص ع الساعة .. والوقت ما بيعديش
8.حتقابل ناس مملة عاوزيين يحكولك قصص حياتهم
9.ممكن تقابل مكالمة تقعد تتكلم لمدة ساعة وفى الاخر تتشتم و يقفل السكة فى وشك
10. عطشان طول الوقت
11.اقعد عاطل فى بيتكوا اكرملك من الذل اللى حتشوفه
12.حتبقى دايما عايز تتاوب وانت بترد ع المكالمات
13.من كتر البص فى شاشة الكمبيوتر .. حتى بعد ما تقفل عينك حتشوف الشاشة .. نظرك حيضيع ..المياة الداخلية والخارجية فى العين حتنشف
14.دايما صوتك حيضيع
15.غالبا ودن منك حتضيع من كتر .. توووووووت .. بيييييييب بيييييييييب .. و الزعيق فى ودنك
16.متتصورش انك شغال فى مكان زى ما بييجى فى التلفزيون .. المكان بيبقى اقذر من كدا بكتير
17.اخر 10 دقايق ليك فى الشيفت بيعدوا 10 سنين
18.حتلاقى عالم من اياهم اما يلاقوا اللى بترد مونث .. بيطلعوا البدع فى المكالمة
19.بعد فترة .. حيحصلك بلادة فى السمع وحتسمع الناس كلهم نفس الصوت
20.حتسمع احلى خناقات فى وسط المكالمة من العميل و العميل مع قرايبه و قرايب العميل مع بعض
21. حتتهزأ بمعدل 20 او 30 مرة فى اليوم .. وحتتشتم كم شتايم م اتشتمتوش فى حياتك
22.حتلاقى عميل سخيف يديك تكلم ابنه الصغير فى وسط المكالمة ويقوله كلم عمو يا حبيبى
23. احلى تسجيل للمكالمات حيتسجلك و يتحفل عليك فى سهرة شبابية
24.حتلاقى عمرك بييجرى منك وانت لسا بتقبض ال 1200 جنية و مش عاوز تسيب الشغلانة عشان مفيش غيرها
نصيحة لله .. لو مش عاوز تتبهدل بلاش الشغلة دى
الفصل السادس
الكلام الجد
نيجي بقي للكلام الجد انا طبعا هتسألو سؤال انا ليه عامل الكتاب ده او كاتب بسخريه عن الكول سنتر
1- انا بشتغل هناك
2- نفسي الناس تعرف معاناه الناس اللي بتشتغل في الكول سنتر بمعني بلاش عنتظه علي اللي بيكلمهم
3- فكرت في حاجه تجمعنا وتحمي حقوقنا كموظفين في الدوله اولا والشركه ثانيا ايا كانت الشركه
4- نفسي نلغي خالص اسمها outsource والله هنشتغل بجديه اكتر من اللي احنا فيها دلوقتي
5- نفسي الناس تبص لوظيفه الكول سنتر كشغلانه محترمه زي كل الشغل اللي موجود في مصر او العالم كله
6- الكول سنتر في العالم كله الagent فيها بياخد 3 اضعاف مرتبنا ( علشان اولا : ستاف ثانيا : بيهتمو بالagent علشان يدي اكتر للعميل وبيخافو علي العميل والagent الاتنين مش العميل بس !!!!)
7- نفسي اننا نعمل نقابه للعاملين خدمه عملاء بمعني لو فعلا البلد دي مافيهاش غير الشغلانه دي تبقيزي الفل يبقي تحمينا من ظلم الدوله لينا تحمينا من ظلم الشركات الاوت سورس اللي بتاخد نص مرتبنا و تدينا ملاليم وبدل كل 3 شهور تغير الagent ليه ؟؟
وبالنسبه للنقابه فعلا احنا شغالين في النقابه دي بنحاول نأسسها وانا مشترك فيها وبدعوك انت كمان انك تنضم فيها وليها استمارة الاعضاء المؤسسين وليها لينك ياريت تخشوا عليه و تملوه و تبقو معانا ونعمل حاجه قانونيه .لينا مش احنا عاملين في دوله مصر يبقي يطبق علينا قانون العمل سنه 2003 اظن و علي فكرة احنا ماضين علي استماره 6 واحنا بنمضي العقد بتاع الشغل وخلي بالك احنا والله العظيم المرتب الاساسي بتاعنا 300 ج اوعي تستغرب ومتأمن علينا علي اساس المرتب ده ؟ يرضي مين ده ؟.؟؟؟؟؟ يارب الكتاب ده ماودنيش في داهيه بس ربنا قال الواحد لو لقي حاجه غلط نغيرها او نحاول نغيرها وانا بحاول نغيرها انا و محمد مؤسس النقابه و شرين و زمايلنا في الشغل ده سؤاء الاستف او الاوت سورس .
اللينكات :
The official page :http://www.facebook.com/CSaforu
The Link for registering:
اراء الناس علي النقابه :
في واحد كتب عن النقابه الكلام ده : من منتدي علي الانترنت:
على فكرة فيه فى مجال الcustomer service ناس خريجين طب و صيدلة و هندسة و حاسب الي و السن و تجارة و سياسة و اقتصاد و اداب و علوم و تربية من كل الكليات و فيه منهم اوائل كلياتهم و بيشتغلوا فى المجال ده سنين طويلة و ده نتيجة البطالة و كمان لما بيشتغلوا بيتعرضوا للظلم و الاستغلال من شركات ال call center مع العلم ان الشركات دي مش بتعمل حاجة اكتر من انها توجد مكان و تجهزه بوسائل الاتصالات و الشباب هما اللي بيعملوا كل حاجة بعد كده و فى الاخر بيترمي ليهم ملاليم و يكسبوا هما ملايين و كمان بيدعوا الفقر و الخسارة و يتهربوا من الضرايب كمان و احيانا بيشغلوا الشباب من غير عقود و لسنين و يضغطوا على الناس و يشغلوهو لفترات اطول من 8 ساعات و من غير اوفر تايم و بنات كمان بياخروهم و اللي مش عاجبه يمشي و يعني وضع سيء من كل النواحي عشان كده فكرة النقابة فى رايي هي الحل لانها ككيان قانوني مدعوم هي اللي تقدر تكشف الفساد ده و تجيب للناس حقوقها و تقدر تنجح فى رفع مستوى المهنة اكتر عن طريق فتح مراكز تدريب حقيقية للشباب و اعضاء النقابة تدرس للناس العلوم اللي بيحتاجها المجال ده و على فكرة ده مجال ليه دراساته و شهاداته لكن فى الخارج مش فى مصر
كمان تقدر كنقابة ترتقي بصناعة الcall center و هي صناعة مهمة لانها ممكن تكون صناعة تصديرية يعني يكون عندك مركز خدمة عملاء بيرد على عملاء لشركة فى امريكا او اروبا او اي دولة تاني يعني استثمار اجنبي و فبوس جايه ليك من بره كمان انا بدعو ان النقابة تشمل فى عضويتها ال customer care و retail و ال merchantman و ال show room و كل الناس اللي شغالة فى مجال خدمة العملاء سواء كانوا فى مراكز اتصالت او فروع بيع او صيانة او خدمات و امنى من كل مؤيد للفكرة يساعدنا لنشرها لاني مؤمن جدا انها هاتغير احوال ناس كتيير جدا و هاتصلح اوضاع كتيير غلط و هاتجيب حقوق ناس و شباب و هتساعد فعلا فى تنمية مصر بلدنا
النهايه
The final
وفي الاخر .....
نفسي بجد الناس تقدر احنا بنشتغل ازاي وتقدر بجد ان لو في ايدينا اننا نخلص من المشاكل بتاعتهم بسرعه علشان هما يرضو علي الشركه لو في ايدينا احنا مش نتأخر خالص اها والله
نفسي الكتاب يعجبكو
نفسي اكون عملت حاجه الناس تستفاد بيها او تضحك عليها اهو اكون خدت ثواب ادخال سرور علي انسان
ونفسي تدعو معايا الدعاء ده
(اللهم اهدي العملاء . وابعد عنا الangry cs والtrouble maker والcomplain وابعد عنا شر الapplication down time وزود لنا الhunt بيقع و اكتر من مكالمات الpuk code والcall tone وغيرها من الخدمات الخفيفه وابعد عنا الinternet package و حط البركه في الbreaks يارب اللهم خفف علينا الكواليتي و كتر الbones و كتر الoverlap يا قادر يا كريم ويارب يعدي الكتاب ده علي خير و مروحش في داهيه :] ) .