الشغل

السلام عليكم ورحمه الله وبركاته

 ازيكم عاملين ايه 

 انا اشتغلت في شركه اكسيد اللي في القريه الذكيه بعد عذاب من التدوير علي الشغل وروح انترفيو وفوت علينا بكرة ياسيد والذي منه . والحمد لله كلمه فووووت علينا بكرة اتشالت من القاموس عندي الحمد لله عايز اعرف حاجه بقي ؟؟؟ ممكن وياريت تشاركوني فيها ممكن ؟ هو امتي هيبقي في شغل في مصر تشتغله بالشهاده بتاعتك امتي ؟؟؟؟؟؟ وامتي البلد هتقوم تاني ويبقي في خير لما الناس تتغير من نفسها صح ؟؟ ايوه طبعا ده ربنا قايلها في القرأن ( لا يغير الله ماقوم حتي يغيرو ما بانفسهم ) يعني احنا لازم نتغير يعني ولا نرمي حاجه في الشارع ولا نشتم ولا نعمل الحاجات البسيطه بتاعت الاخلاق ما هي اهم حاجه الاخلاق ولا ايه (وانك علي خلق عظيم ) عايزين تبقي اخلاقنا قريبه من اخلاق سيدنا محمد واصحابه صح ولا ايه علشان ننهض بالامه الاسلاميه غير مشروع النهضه اياه ماشي بس احنا لازم بجد نفوق علشان يوم القيامه قرب انتو مش حاسين ولا ايه ؟؟؟؟ وكل علامات الساعه الصغري اتحققنت ؟ مش عارف ايه اللي دخلني في الدين بس الموضوع ده متعلق بالحته الدينه علشان نتغير من نفسنا علشان البلد دي تفوق يااااارب تفوق بقي البلد مافيهاش شغل غير 4 شغلانات وهي

 1- الكول سنتر

 2- تليسيلز

 3- مندوب مبيعات علي راي حمزة نمرة

 4- سيلز اوت دور وكلهم بيطلع عينك

 بس الكول سنتر اكرمهم علي الاقل اعد علي كمبيوتر وفي مكان نضيف اها ودانك بيطلع عينها برضه بس دي اكرمهم وعلي فكرة في شغل برضه في حكومه بس بعقد 55 يوم واليوم 9 ج تخيليو ؟ يعني ب240 ج في الشهر لو انت جيته كله وملكش اجازات ولا مرضي حته واليوم اللي انت بتغيبه عليك غير ايام الجمع مش بيتحسب شوفتو ظلم اكتر من كده وعايزين نتغير ؟؟؟؟؟؟!!!!! بجد مليون علامه !!!!!! او اكتر كمان . انا مش انكر ان بعد الثوره انا اشتغلت واشتغلت في حكومه سنه وبعقد 55 يوم وكانت احسن مليون مرة من اعده البيت طبعا بس مش هتأكل عيش خالص خالص يعني انت شاب في بدايه حياتك لسه متخرج من الجامعه وعايز توضب نفسك علشان تتجوز وتبني حياتك صح ولا غلط يعني افرض انت مرتبط ببنت في شغل الحكومه ده وطبعا الحب ده بيجي عند ربنا يعني متقوليش انت اللي عملت كده علشان دي مشاعر وبعدين انت مش لاقي شغل غير ده وعمال تدور وتروح انترفيوهات وفووووت علينا بكرة يا سيد ومافيش طبعا غير الشغلانات اللي انا قولتلكم عليها . طب والنبي دلولنا يا ناس نعمل ايه ؟ علشان ننهض بالبلد دي (غير النهضه اللي انتو عارفنها )

 ؟؟؟؟؟ بس يا سيدي وقامت معيطه :D 

الي اللقاء في مقاله تانيه 

ان شاء الله 

بن ايمن