تلاتين حاجة ماتعملهاش اول ماتتخرج :

1. ماتقدمش في فودافون مصر كول سنتر. انت احسن من كده.
2. كذلك فودافون uk. انت ماتستهلش كده.
3. مافيش حاجة اسمها ادخل الشركة في الكول سنتر و بعد كده ابقى اروح الماركيتينج اللي بيدخل في بوزيشن بيكمل فيه للابد. كان زمان الكلام ده.
4. مافيش حاجة اسمها انا خريج تجارة انجليزي عين شمس و عايز اشتغل في الماركيتينج.
5. خريجي الماركتنج من الجامعات الخاصة بس هما اللي بيشتغلوا في الماركتينج.
6. مش معنى انك حبيت اعلان شاي العروسة انك تقول عاوز اشتغل في الماركيتينج.
7. الماركيتينج مالوش علاقة بصناعة الاعلانات.
8. قدم في شركة اعلانات لو بتحب الاعلانات.
9. ماتخدش كورس Mini MBA . نصبة.
10. ماتخدش كورس سوشيال ميديا في شيراتون نصبة.
11. ماتشتغلش في السوشيال ميديا انت اهم من انك تبقى ادمون شقي او ادمونة شقية.
12. ماتشتغلش sales في yellowpages. هايطلع ميتين اهلك.
13. ماتقبلش تشتغل outsource في اي شركة حتى لو orange او P&G
14. ماتفتحش محل بلاي ستيشن مع صحابك. هايتنصب عليك و هاتخسر صحابك.
15. ماتفتحش قهوة او كافيه مع صحابك. هايتنصب عليك و هاتخسر صحابك.
16. ماتخطبش قبل ماتشتغل. هاتفسخ
17. ماتخطبش اصلا.
18. صاحب
19 .ماتشتركش في Qnet.
20. مافيش شغلانة اسمها networker. يا فاشل يا لوزر !
21. ماتشتغلش .freelance graphic designer
22. لو عجبك الديزاين اشتغل بعقد في شركة. اكرر بعقد.
23. ممكن تشتغل في اي بنك back office او في الفرع.. غير كده لأ.
24. ماتشتغلش في بنك كريدي اجريكول. مزبلة و مش هاتتعلم حاجة و مرتباتهم اقل من كاشير كنتاكي.
25. ده مش معناه انك تشتغل في كنتاكي.
26. ماتشتغلش في اتصالات حتى لو هايعينوك رئيس قسم مسابقات ملكة جمال اتصالات.
27. ماتشتغلش سيلز اوت دور في اي بنك .هاتتفشخ.
28. لو هاتطلع السعودية اعرف انك هاتعيش باقي حياتك هناك.
29. باقي حياتك ده هايكون تعيس و زهقان اكتر من ورك الفرخة اللي مرمي في الكبسة السعودي. 

30. لو هاتطلع الامارات اطلع و كمل هناك و ماتجيش هنا تاني

مخلص حب ولد مخلص وعايز فعلا يخطب ويكمل نص دينه

الولد : بصي انا بس عايز اقولك اني معجب بيكي وعايز ارتبط بيكي
البت : انت بتقول ايه ؟

 الولد : فعلا انتي بنت كويسه جدا وشايف انك ان شاء الله هتكوني مراتي حبيبتي
البنت : طب انت تعرفني ؟

(... الولد : هنتعرف ببعض خلال الخطوبه والارتباط .. ( ممكن اروح اتقدملك دلوقتي
البنت : طب سبني افكر
تاني يوم 

 البنت : الو ازيك عامل ايه
الولد : كويس الحمد لله ها فكرتي
البنت : اها فكرت 

( الولد : ها ردك ايه ( بحماس
البنت : مش عارفه اجيبهالك ازاي بس انا مش بفكر في الجواز دلوقتي وعايزه ابني مستقبلي وانا حاسه انك زي اخويا او confused منك بمعني اصح
الولد : مممم ( في قلبه سكينه ) ربنا معاكي بس طبعا هنفضل اخوات
انا : الله يخرب بيتك زي ما حطيتي سكينه في قلبك كده وان شاء الله تعنسي ان شاء الله
مش ملاحظه ان اخواتك كترت اوي

حمله بلا جواز بلا وجع قلب 

رمضان كريم

قواعد الحياه

سلامو عليكو صباح الفل صباح العسل عليكم 

ازيكم عاملين ايه ايه اخباركم ؟ هتكلم النهارده عن

قواعد الحياه من وجهه نظري 

1- ارض الله وامك وابوك ( اهم قاعده في حياتك لازم تكون امك راضيه عليك علشان تعرف تعيش في الحياه دي , وابوك علشان هو بيكون بيحبك جدا انت ماتكنش حاسس بيه بس بيكون خايف علييك اوي ) 

2- اختار صحابك بعنايه ( يعني متثقش في اي حد علي طول ) حرص ولا تخون بس ده مايمنعش ان لازم يكون في ثقه 

3-متاخدش كل حاجه علي اعصابط )خليك بارد بس طبعا لازم يكون حته اعصاب او رد فعلا بس مايكونش علي اعصابك انا باخد كل حاجه علي لعصابي وده اكبر غلط ولنك تكتم الحاجه جواك اوعي هتتعب كتير صدقني  

4- حب ما تعمل حتي تعمل ما تحب ( انا ماشي بالمبدا ده جدا ومؤمن بيه جداا ) بس يكون عن اقتناع انك مقتنع 300 % ان الشغل مش عيب ايا كان نوعه

5- متحاولش انك تكون مصتنع (انك تعمل حاجه انت مش مقتنع بيها يعني تبين انك بتحب حد مع انك مش بتحبو بمعني اصح انك تكون منافق اوعي
6- حاول تقرا كتيرر جدا في اي حاجه تخطر علي بالك ادب فكر ساخر روايات المهم تكون بتفرا انك تقرا دي متعه كبيره اووي
7- اسمع الناس اللي معاك كتير واعرف هما بيفكره ازاي يمكن يساعدوك في اي حاجه (صوابعك مش زي بعضها )
8- فكر في الانسانه(الانسان)  اللي هترتبط (هترتبطي)  بيه (بيها ) فكر في انها تسعدك في الدنيا و في تدخلو مع بعض الجنه ان شاء الله , حاول متفكرش في اد ايه هي حلوة او هو حلو ولا لا كل ده والله العظيم بيروح اغلبيه حالات الطلاق بسبب حاجات تافهه اوي المهم انها (انه ) يكون محترم مش بتاع بنات ويكون فعلا عايزك وانتي عايزاه . ونداء للابهات ياريت بلاش تحسس العريس انك بتبيع بنتك مش بتجوزها بلاش مهر غالي بلاش التناكه اللي بتطلع وقت لما العريس بيتقدم بلاش . احنا في زمن صعب فيه الحلال وسهلو الحرام
9- لما تتجوز اعمل اللي انت عايزه تخليها حياه تانيه خالص حاول تفصل بين الشغل والبيت حاول توفر كل احتياجات البيت
10 - اتكل علي الله وطالما انت حاطط في دماغك ان ربنا بيعمل كل حاجه حلوة تأكد 100000 % ان حياتك دي اسهل لما تتوقعها
دي 10 نصايح ياريت تعملو بيها