ازيكم عاملين ايه ايه اخباركو كويسين الحمد لله
نداء الي مواليد 80 و 90 لغايه 2000 ايه اخباركو وايه اخبار الشغل معاكو في ناس لسه مخلصتش دراسه ربنا معاكو يارب
انا قولت اجمعكو تاني نتفتكر مع بعض ذكريات الحاجات اللي كنا بنعملها سواء في المدرسه في المذاكرة في الشارع في الموصلات في كل حاجه , هحاول اجيب كل حاجه ان شاء الله
انا مواليد 5-10-90 وكان يوم جمعه وكان علي ايامي اغاني و لما تحس ان البلد كانت لسه بخير او بمعني اصح لسه مكبرناش وعرفنا ان الدنيا دي طلعت صعبه اووي علشان لينا اب وام اعظم كأنين في العالم كله ليك بعد ربنا طبعا و تاخد مصروفك اللي هو نص جنيه او ربع جنيه اللي يطلع منهم كان جميل اوووي وتنزل في الفسحه اللي هي برضه كانت لينا فيها مواقف حلوه اووي واغنيه (فسحه فسحه عم خليل الاوزعه ) مش عارف ايه اللي دخل عم خليل ده :D وحارس المدرسه ( عم قرني ) الله يرحمه كان بيجري وارانا علشان نخش المدرسه :] انا كنت في مدرسه المعادي الجديده للغات وارجع تاني للمصروف اللي كان بنجيب بيه حاجات اد كده و برضه كنا بنحوش منه علشان يوم الخميس لما ننزل الشارع نجيب حاجه حلوة وياسلام بقي لما ننده علي اهلنا يوم الخميس وتقول (ماما ممكن نص جنيه علشان اجيب بيه ببسي ) ايام لما كانت الببسي ب نص جنيه و ممكن بالنص لحلوح ده تفطر بيه فول وطعميه و تيجيب بيه كمان بونون علشان تحلي بيه او ممكن تجيب رغيف اللي كان بربع جنيه اول لما طلع العيش السياحي وتيجيب بربع طعميه 5 حبات الواحده كانت ب شلن ( الشلن ده كان موجود لغايه سنه 2008 ) ده كان كائن كده بنجيب بيه حاجات وياسلام بقي لما تجيب بوظو كاراتيه ياااه كنت بعشقه بالذات الكباب ولايز و شيبسي و دبسي و كان ناس تانيه بتجيب بربع كشري كيس كشري كده وكل يا معلم علي الصبح . وكانت الاذاعه المدرسيه اذاعه انا مرة قولت اجرب نفسي في الاذاعه المدرسيه وكنت اول مرة اطلع قدام المدرسه كلها ولا عرفت اقول حاجه والحمد لله :D .
وكمان كنا بنخاف من المدرسين مافيش حاجه اسمها لا كنا فعلا بنخاف منهم ونفتكرهم لغايه دلوقتي
وافتكر اني انا و صحابي مرة في رمضان جبنا معانا صواريخ و كنا بنخبيهم في الشراب :D و مشرفه الدور قفشتنا وجالنا استدعاء ولي امر وايه كنا مرعوبين جدا
وكنا في رمضان بنحس فعلا بيه معني الفانوس معني انك تصحي السحور وكان ساعتها في التلج وتصحي بالعافيه علشان تتسحر وتصلي الفجر وتنام وتصحي تاني علشان المدرسه و تجيب قطايف و كنافه و كان في بركه في الشهر وتزعل فعلا انه خلص و كان في عزومات والناس كانت بتعزم بعشم جامد اووي و بنفطر علي بكار ورشيده وفوازير نيلي وشريهان و الشيخ الشعراوي وكنا بنزعل اوي لما بنسمع اغنيه ولله لسه بدري يا شهر الصيام .
ويجي العيد كانت عيدتنا اقل حاجه 5 ج وكانت حاجه والله العظيم كنا بنفرح بيها اوي ولازم تكون جديده وكنا بنزعل لما تكون قديمه او متنيه او فيها كتابه :D وننزل نجيب بومب و صواريخ و نجيب المسدس ابو خرز و تضرب بيه بعضنا هههه و بنلبس لبس العيد وانا الحمد لله لغايه دلوقتي بجيب لبس للعيد متقولوش عليا عيل علشان هي دي اللي لسه محافظ عليها في العيد ولا كان في بقي نت ولا فيس ولا واتس ولا اساسا موبايل ولما كان في موبايل كان 3310 احدث حاجه وكان للناس الكبار مش العيال وكان العيد في بركه مش زي دلوقتي :S
نيجي بقي للعيد الكبير
وقفه عرفه : نصحي علشان نتسحر وتكون اجازة طبعا الواحد كان بيروح عند قرايبه علشان يفطر هناك ونبات علشان نصلي كلنا العيد وبعدين الدبح ونفضل نلعب وننام ونصحي تاني يوم وتقول للناس الكبار عايز العيديه يقولك لا :] ده عيد لحمه ههههه لغايه دلوقتي هههه
وكنا بقرا المغامرون الخمسه و رجل المستحيل وما وراء الطبيعه ( حاجات د: نبيل فاروق ) ياااه نفسي ارجع اقراها تاني وميكي وبطوط ومجله ماجد القطريه ياااه لسه عندي نسخه لغايه دلوقتي
واول لما الدش طلع بقي ياااه كان اختراع والطبق الكبير اللي بموتور :] يااه وايام art و mbc ماكانش في ولا mbc2 ولا اي قناه من حاجات دي غير 3 4 قنوات وبس
و space toon ياااه كانت بتيجي 4 ساعات بس علي قناه البحرين :D
وايام pokemoon وبيكاتشو و تشار مندر هههه واللي كان بيطلع في لايز كنت بجمع فيها اد كده لغايه طبعا لما الحكومه الموقره بتاعتنا قالت ان البلاستك ده في سرطان او بيجيب السرطان روحنا كلنا رميناه هههه
وايام سابق ولاحق وايام هزيم الرعد وايام عالم سمسم كنت بحبه اوي بالذات فلفل :]
وايام ابطال الديجتال وريمي و عهد الاصدقاء و انا واخي و مازنجر و كابتن ماجد و اوتار الليل و طرائف و عجايب كان بيجي علي القناه الاولي بعد الصلاه كنت بحبه اوي و سينما الاطفال برضه و عالم الاطفال علي قناه التانيه كان التليفزيون الحاجه الترفهيه بس اللي عندنا
وكل وقتنا في الاجازة تحت في الشارع علشان نلعب فيه ونلعب استغمايه و كهربا و ثبت و ثبت صنم (كنت دايما بكون اللي فيها ) و البلي و الكوره و الدبور ولا تقولي بقي نت ولا حاجات دي احنا كان عندنا سيجا و فيديو جيم ابو درعات طويله ده كانك بتعلب يالفتيس عربيه و البلاي ستشن 1 play station 1 واليابانيه و viva هههه اها نسيت اقولكم علي طايرات الورق كنا برضه بطيرها وكنا عايشين برضه .
و الاتوبيسات الحمرا والزرقاء و التخينه والرفيعه وانا واخويا كنا بنتخانق علي انهي اتوبيس اللي هنركبه وكان الاحمر بربع جنيه و الازرق بنص جنيه و ايام لما كنا بنسافر لاسكندريه بس و كان بقي مافيش الساحل ولا مطروح ولاحد يعرفها اساسا ومافيش مارينا مافيش بورتو مافيش السخنه مافيش السويس و الناس كانت عارفه بس اسكندريه و بلطيم و جمصه و راس البر وبورسعيد بس وياه بقي علي اللي يسافر بورسعيد كان لازم ينزل علي السوق الحره علشان يجيب حاجات برخص التراب للاسف حكومتنا الموقره لاغتها
واول بقي لما طلع الموبايل كان الموبايل ب 6000ج والخط كان ب 1100 ج و كان nokia 688 و 3310 و موبايلات اللي كانت ابيض و اسود ههه كانت تقدم بقي و الموبايلات اللي بالالوان والنغمات المجسمه و الحقيقيه و ياما بتوع التليفونات كسبت اد كده بسبب الجهل التكنولوجي للشعب .
واحلي ايام عيشناها من غير التكنولوجيا ولا نت ولا اي حاجه وطبعا في حاجات كتير جدا كل واحد فاكرها بس انا اتكلمت علي اللي كان في حياتي انا طبعا في ناس هتفتكر الحاجات دي و نفسها ترجع لايام زمان كانت الحياه فيها جميله جدا اما دلوقتي بتتمني اليوم يخلص علشان تنام وبس الحياه صعبه فعلا كله بيضرب في كله غير الكلام في السياسه اللي بقي ازيد من اللازم اي حاجه فيها سياسه الحمد لله
نيجي بقي لجيل الالفيه
جيل اللعب في الكمبيوتر و الاندوريد والاي باد والاي فون و البلاكبيري بقي نتكلم عليه انا عندي كلام كده علي الجيل ده
وكمان كنا بنخاف من المدرسين مافيش حاجه اسمها لا كنا فعلا بنخاف منهم ونفتكرهم لغايه دلوقتي
وافتكر اني انا و صحابي مرة في رمضان جبنا معانا صواريخ و كنا بنخبيهم في الشراب :D و مشرفه الدور قفشتنا وجالنا استدعاء ولي امر وايه كنا مرعوبين جدا
وكنا في رمضان بنحس فعلا بيه معني الفانوس معني انك تصحي السحور وكان ساعتها في التلج وتصحي بالعافيه علشان تتسحر وتصلي الفجر وتنام وتصحي تاني علشان المدرسه و تجيب قطايف و كنافه و كان في بركه في الشهر وتزعل فعلا انه خلص و كان في عزومات والناس كانت بتعزم بعشم جامد اووي و بنفطر علي بكار ورشيده وفوازير نيلي وشريهان و الشيخ الشعراوي وكنا بنزعل اوي لما بنسمع اغنيه ولله لسه بدري يا شهر الصيام .
ويجي العيد كانت عيدتنا اقل حاجه 5 ج وكانت حاجه والله العظيم كنا بنفرح بيها اوي ولازم تكون جديده وكنا بنزعل لما تكون قديمه او متنيه او فيها كتابه :D وننزل نجيب بومب و صواريخ و نجيب المسدس ابو خرز و تضرب بيه بعضنا هههه و بنلبس لبس العيد وانا الحمد لله لغايه دلوقتي بجيب لبس للعيد متقولوش عليا عيل علشان هي دي اللي لسه محافظ عليها في العيد ولا كان في بقي نت ولا فيس ولا واتس ولا اساسا موبايل ولما كان في موبايل كان 3310 احدث حاجه وكان للناس الكبار مش العيال وكان العيد في بركه مش زي دلوقتي :S
نيجي بقي للعيد الكبير
وقفه عرفه : نصحي علشان نتسحر وتكون اجازة طبعا الواحد كان بيروح عند قرايبه علشان يفطر هناك ونبات علشان نصلي كلنا العيد وبعدين الدبح ونفضل نلعب وننام ونصحي تاني يوم وتقول للناس الكبار عايز العيديه يقولك لا :] ده عيد لحمه ههههه لغايه دلوقتي هههه
وكنا بقرا المغامرون الخمسه و رجل المستحيل وما وراء الطبيعه ( حاجات د: نبيل فاروق ) ياااه نفسي ارجع اقراها تاني وميكي وبطوط ومجله ماجد القطريه ياااه لسه عندي نسخه لغايه دلوقتي
واول لما الدش طلع بقي ياااه كان اختراع والطبق الكبير اللي بموتور :] يااه وايام art و mbc ماكانش في ولا mbc2 ولا اي قناه من حاجات دي غير 3 4 قنوات وبس
و space toon ياااه كانت بتيجي 4 ساعات بس علي قناه البحرين :D
وايام pokemoon وبيكاتشو و تشار مندر هههه واللي كان بيطلع في لايز كنت بجمع فيها اد كده لغايه طبعا لما الحكومه الموقره بتاعتنا قالت ان البلاستك ده في سرطان او بيجيب السرطان روحنا كلنا رميناه هههه
وايام سابق ولاحق وايام هزيم الرعد وايام عالم سمسم كنت بحبه اوي بالذات فلفل :]
وايام ابطال الديجتال وريمي و عهد الاصدقاء و انا واخي و مازنجر و كابتن ماجد و اوتار الليل و طرائف و عجايب كان بيجي علي القناه الاولي بعد الصلاه كنت بحبه اوي و سينما الاطفال برضه و عالم الاطفال علي قناه التانيه كان التليفزيون الحاجه الترفهيه بس اللي عندنا
وكل وقتنا في الاجازة تحت في الشارع علشان نلعب فيه ونلعب استغمايه و كهربا و ثبت و ثبت صنم (كنت دايما بكون اللي فيها ) و البلي و الكوره و الدبور ولا تقولي بقي نت ولا حاجات دي احنا كان عندنا سيجا و فيديو جيم ابو درعات طويله ده كانك بتعلب يالفتيس عربيه و البلاي ستشن 1 play station 1 واليابانيه و viva هههه اها نسيت اقولكم علي طايرات الورق كنا برضه بطيرها وكنا عايشين برضه .
و الاتوبيسات الحمرا والزرقاء و التخينه والرفيعه وانا واخويا كنا بنتخانق علي انهي اتوبيس اللي هنركبه وكان الاحمر بربع جنيه و الازرق بنص جنيه و ايام لما كنا بنسافر لاسكندريه بس و كان بقي مافيش الساحل ولا مطروح ولاحد يعرفها اساسا ومافيش مارينا مافيش بورتو مافيش السخنه مافيش السويس و الناس كانت عارفه بس اسكندريه و بلطيم و جمصه و راس البر وبورسعيد بس وياه بقي علي اللي يسافر بورسعيد كان لازم ينزل علي السوق الحره علشان يجيب حاجات برخص التراب للاسف حكومتنا الموقره لاغتها
واول بقي لما طلع الموبايل كان الموبايل ب 6000ج والخط كان ب 1100 ج و كان nokia 688 و 3310 و موبايلات اللي كانت ابيض و اسود ههه كانت تقدم بقي و الموبايلات اللي بالالوان والنغمات المجسمه و الحقيقيه و ياما بتوع التليفونات كسبت اد كده بسبب الجهل التكنولوجي للشعب .
واحلي ايام عيشناها من غير التكنولوجيا ولا نت ولا اي حاجه وطبعا في حاجات كتير جدا كل واحد فاكرها بس انا اتكلمت علي اللي كان في حياتي انا طبعا في ناس هتفتكر الحاجات دي و نفسها ترجع لايام زمان كانت الحياه فيها جميله جدا اما دلوقتي بتتمني اليوم يخلص علشان تنام وبس الحياه صعبه فعلا كله بيضرب في كله غير الكلام في السياسه اللي بقي ازيد من اللازم اي حاجه فيها سياسه الحمد لله
نيجي بقي لجيل الالفيه
جيل اللعب في الكمبيوتر و الاندوريد والاي باد والاي فون و البلاكبيري بقي نتكلم عليه انا عندي كلام كده علي الجيل ده
اول حاجه انه جيل سريع جداااا بيتعلم بسرعه وكل حاجه عنده نت و كمبيوتر
ثانب حاجه بيتعلم من التليفزيون والنت و الشارع
ثالث حاجه بيتعلم من الافلام الزباله اللي موجوده دلوقتي اللي بوظت خلاق جيل كامل و مش عارف ازاي مصلحه الرقابه علي الافلام (اها مصلحه ) علشان كل حاجه فيها فلوس
رابع حاجه دلع الابهات والامهات اللي لازم يكون مع ولادهم موبايل علشان يطمنو عليهم
خامس حاجه هما جيل بيرد علي ابهاتهم وامهاتهم ومافيش اي احترام للعائله خالص ولا في الالفه بتاعت زمان
طبعا مافيش حاجه بتقضل علي حالتها بس اظن في حاجه اسمها الاخلاق والقيم ابهات بيسيبو ولادهم في الشارع مافيش رقابه العيال عارفين حاجات انا والجيل بتاعي عرفها لما كان في ثانوي.
لازم يكون في رقابه علي الجيل ده بس مش رقابه تخنق لازم يكون في توعيه للجيل ده
اللهم بلغت اللهم فاشهد
يارب يكون الكلام عجبكم و الي لقاء اخر ان شاء الله مع (بلد كل حاجه والعكس ) .
Bn Ayman
