مميزات قطع الكهرباء

بسم الله الرحمن الرحيم 

 هتكلم في حاجه مهمه جدا وهي فؤائد الضلمه بس الاول عايز اعرف ايه رايكم في قطع الكهرباء ? وبعدين مش احنا في عصر الاخوان قولنا الله يخرب بيتك يامرسي صح (السؤال هنا ) احنا كشعب مصر ساكت ليه ..؟ !!! يمكن علشان هو اللي عمل كده بس برضه ايام الاخوان احنا كشعب مصر هو اللي اختار صح ولا غلط في حاجه غلط محدش عارف ايه هي .. 

يعني انت تكون طالع عين اهلك في الشغل وعايز تروح في اي وقت علشان ترتاح في الاخر تلاقي النور مقطوع يا جماله يا حركاته 

يعني انا الحمد لله في الشغل النور مش بيقطع بس انت تروح وتكون علي اخرك وتلاقي النور قطع ياصلاه النبي :] طب بالنسبه الناس اللي تعبانه ولازم تعد في هوا ولازم تكييف تعمل ايه .؟؟ ده احنا في القرن 21 يعني ايه الكهرباء تقطع 

في حلول كتيره جدا علشان النور ده بس اللي يشتغل كفايه كده علشان انا لو اتكلمت اكتر من كده هاتحبس 

نيجي بقي برضه لقطع النور 

انا بيت جدتي جنت وزاره الداخليه النور عمره ما قطع في الايام دي ولا بيقطع اساسا هناك وطبعا ولا الوزراء ولا التجمع ولا الحاجات الفافي دي لا يقطعو النور علي الناس الغلابه اللي اساسا مش بتستهلك نور ولا كهرباء اذا كان عندهم اساسا كهرباء وبعدين تناشد وزاره الكهرباء الترشيد احيه هو في كهرباء اساسا 

ونيجي بقي للفوائد 

اولا : بترجع الالفه للعائله الكريمه :

الاب بيعد بالبوكسر 

الابن برضه يعد زيه 

الابنه تعد حرانه

الام : تعد فطسانه

بس احلي حاجه انهم بيعدو في مكان واحد

ثانيا : لو النور قطع في الليل وتكون البنت من البنات خايفه من الضلمه تجري علي ابوها اللي قالع نص هدومه 

ثالثا : ياسلام بقي لو البنت او الواد مرتطبين يعقدو بيرغو مع بعض وهاهاها ونيهااا 

رابعا : تهييس مع عايلتك وتصور نفسك سليفي وانت قالع ملط :D :D 

خامسا : تقليل عد السكان حيث ان هناك  كثير من المستشفيات لا يوجد مولدات كهرباء بالذات الحكومي منها وبها حالات ما يعلم بيها الا ربنا اها والله وفي حاله لا يرثي لها طب مش مشكله الناس اللي عندها القلب او الضغط او السكر طب والاطفال اللي لسه مولودين في الحضانات دول ايه ذنبهم انهم يموتو وهو لسه اساسا ولا عملو حاجه يتحاسبو عليه .

سادسا : زياده في عدد العيال اللي بتسقط في الثانويه او الاعداديه و الجامعه و النور يقطع و بفسدو ويسقطو وبالتالي يزيد معدل البطاله 

سابعا : بيزيد من صبر الانسان المصري حيث انه في ايام مرسي كان بيشتم امه والاب وساعات بتوصل لحاجات مينفعش اكتبها هنا وانا اولهم اني كنت بشتم الانسان الكريم (السيد) ( محمد مرسي العياط ) .. ودي كانت من اوئل ثوره 30-6 المجيده (علي حسب قولهم )
ثامنا : كسب شركات التليفونات المحمول حيث انها تقدم باقات انترنت بارخص الاسعار سواء كانت موبينيل او اتصالات او فودا ويخلصو الباقات ويشترو باقه تانيه عادي الشركه اللي بتكسب 
اظن دول اللي فوائد والمصايب بتاعت النور 
بس انا عايز اعرف حاجه مين سبب انه يفجر المحطات ويقطع الاسلاك مين ؟؟ !!! 
هو كده فرحان ليه و المشكله انه ناسي ان في رب هيحاسب علي عمايله دي وبعدين سؤال لابد منه ليه الكهرباء تقطع في المناطق العشوائيه والمتوسطه مع انهم مش بيستخدمو ولا تكييف ولا نيله دول علي قدهم جدااا ويسيبو الناس اللي عايشه في وسط البلد عند الداخليه والوزارات التانيه وكمان التجمع الخامس و الناس اللي عايشين اساسا في التكييف ده انا بخاف اولع التكييف يقطعو الكهرباء 
والناس اللي بفجرو الاعمده و المحطات دول ايه هما مش عارفين ان الهم هيجي عليا وعليك ولا ايه وعلي اساس ان الوزراء و الرئيس النور بيقطع عنهم ولا حاجه هما بياخدو المرتب بتاعهم وخلاص 
ياارب ولع في اي حد بيقطع النور مع الاخوان سواء او مع الجيش ياااارب 
يارب البلد دي تقوم علي حليها نفسي 
يااارب النور مايقطعش علي المنشات السياحيه ده لو انتو عايزين السياحه ترجع تاني 
    والسلام عليكم ورحمه الله وبركاته ...
                                                             بن ايمن 
                                                              15-8-2014